MRB-in an din champha an lawm

Bank zinga Mizorama inzár pharh zau ber Mizo­ram Rural Bank chuan nimin khan Mizoram hmun hrang hrangah MRB din champha an lawm.

MRB hi September 27, 1983 khan din a ni a, tun dinhmunah Mizoramah branch 101 an nei mek. Branch hrang hrangah hian MRB din champha hi lawm a ni.

MRB Regional Office, Lungleiah chuan sorkar, kohhran, sumdawng leh mi pawimawhte nen MRB din champha lawm a ni a, corporate social responsibility kaltlangin John Williams Hospital, Lunglei hnenah ambulance an pek bakah, Lunglei High School hnenah tui dah vawhna (water cooler) an pe a ni.

MRB din champha pual hian Treasury Square Branch pawhin an awmna in neitu MJA General Head­quarters hnenah thilpek an hlân bawk.