Raltlante zawm tur tihchhuah a ni

Aizawl district bawrhsap Dr Lalhriatzuali Ralte chuan Myanmar raltlan Aizawl district-a rawn lutte enkawl dan tur chungchangah thuchhuah a siam a; Local/Village Level Committee on Myanmar Refugees te chu thupek bawhzui tur leh dan zawm lote chu District Task Group on Myanmar Refugees Chairman hnenah hriattir turin a ngen.

Myanmar raltlante khuahkhirhna
# Sorkar hriatpuina leh phalna lo chuan ram leh in an lei tur a ni lo.
# Sorkar hriatpuina lo chuan sumdawnna an ṭan tur a ni lo.
# Dan phal loh sumdawnna ang chi reng reng ken luh leh zawrh phal a ni lo.
# Myanmar aṭanga an lirthei rawn ken luhte mumal takin Local/Village Level Committee on Myanmar Refugees-te hnenah an hriattir ṭhin tur a ni.
# Myanmar khua leh tuite’n dan lo in Aadhar card/voters ID/driving license leh a dangte an siam tir tur a ni lo.