Ruihhlo leh silai man

Mizoram Police chuan September 2, Zirtawpni khan hmun hrang hrangah ruihhlo leh silai an man a, dan loa thil tihnaa mawhphurtute an man nghal bawk.

Bawngkawn police-te leh 2nd Assam Rifles-te chuan September 2 khan Durtlang Leitanah Vanlalchhanhima (24) s/o Vanupa Zathang, Leitan South hnen aṭangin 9mm pistol pakhat, a magazine pahnih leh silai mu pariat an man.

Sairang police-te chuan Zirtawpni khan Nani Lalnunpuia (20) s/o Lalthlamuana, Sairang Vengsang hnen aṭangin ganja kg. 2.792 an man. Zokhawthar police-te leh 8th Assam Rifles sipaite pawhin Zokhawtharah heroin gram 159 leh a neitu nia puh Tialduhrem (40) d/o Thantlir Khawmawi, Myanmar an man a, heroin hi international market-ah cheng nuai 79.5 man a ni.