Competitive Aspirants Aptitude Test

Mizo Students' Union (MSU) Gen.Hqrs chuan Zo Hnam Chhan Ni pualin September 3, Inrinni khan Hrangbana College leh ZoCareer Institute-ah Mizoram Competitive Aspirants Aptitude Test 2022 (MCAAT) an buatsaih a, Mizo ṭhalai 424 an inziak lut.

MCAAT-in a tum chu - Mizo ṭhalai hna zawng mekte Mizoram sorkar hnuai leh banking, SSC leh hnaruak danga an inziah tlin theihna tura buatsaih a ni a, Mizoram Rural Bank nen ṭangkawpa buatsaih a ni. Mi 424 an inziak lut a, inziak luta test hmachhawn eng emaw zat an awm bawk. Zawhna - quantitative aptitude 35, reasoning aptitude 35, English 30 leh general awareness 30, a vaiin 130 a awm a ni.

Intihsiakah hian pakhatnain Rs 20,000, pahnihnain Rs 15,000 leh pathumnain 10,000 an dawn dáwn bakah, smartphone leh certificate an dawng ṭheuh dawn a; a ti ṭha zual mi pasarih hnenah lawmman pek a ni dawn bawk. Lawmmante chu September 9 - Zo Hnam Chhan Ni-ah sem a ni ang.