Assam vigilance team-in thamna latu health official an man

Assam vigilance team chuan Thawhleh khan health official pakhat chu thamna pawisa, Rs 5,000 a dawn laiin an man a, thubuai an siamsak nghal bawk.

Directorate of Vigilance and Anti-Corruption chuan ANM nurse pension pakhat hnen aṭangin complaint a dawng a, Baksa-a Office of the Joint Director, Health Services-a head assistant Bipin Kalita chuan a pension file tihfelna atan leh, a pay scale siamṭhatna turin Rs 5,000 pe turin a phut tih a sawi. Mahse sum hi pe duh loin, Directorate-ah hian a ṭul anga hma lak sak tura ngenin complaint hi a thehlut a ni.

Directorate hian complaint an dawn hnuah, thamna pawisa phuttu official hi man ngei a nih theihna turin Directorate of Vigilance and Anti-Corruption team chuan thang an kam ta a ni. Thawhlehni chhun khan complaint thehluttu, nurse pension hian thamna pawisa a phut ang chu Bipin Kalita hi a pe ta a, a pawisa dawn lai hi vigilance team hian nangchingin an man zui ta a ni. A pawisa dawn pawh chhuhsak leh nghal a ni bawk.

Thamna sum dawngtu Bipin Kalita lakah hian Prevention of Corruption Act, 1988 hnuaiah thubuai ziahluh nghal a ni.