National Technology Day hman a ni

Directorate of Science & Technology chuan nimin khan National Tech­nology Day pualin IPR directorate auditorium-ah inkhawm an buatsaih a, State Planning Board vice chairman H Liansailova'n a hmanpui.

H Liansailova chuan, technology hmasawnnain a chhawp chhuah hrang hrangte tel loin nun thiam a harsa tawh hle tih sawiin, "Mihring nuna technology pawimawhzia a tarlang a, India ramin zalenna a sual chhuah hnua technology lama hmasawn dan thlirin, National Technology Day hman hi inhmeh a ni," a ti.

Inkhawm hi Planning secretary Dr C Vanlalram­sanga'n a kaihruai a, chief scientific officer Dr RK Lallianthanga'n NEDP hnuaia Science & Tech­no­­logy-in a thawh tur, 'Deve­lop­ment of indigenous tech­nological innovation in Mizo­ram (DITIM)' a sawifiah.

National Technology Day hi kum 1998-a India-in ama kutchhuak technology khawvel hriata a pho chhuah ní a ni a; khawvel hriata India-in nuclear siam thei ram a nihzia lantir nana Pokran, Rajasthan-a nuclear ralthuam hlawhtling taka a enchhin ní a ni. May 11, 1998 vek hian thlawhtheihna 'Hansa-3' an vuah chu hlawtling taka thlawhtir a ni bawk.

Kum 1999 aṭang khan May 11-ah kum tin ram hmasawnna atana techno­logy pawimawh­na inhrilh­hriat­na leh inzir­tirna hun atan Natio­nal Tech­nology Day hman ṭhin a ni.