Pu Buanga Award dawng tur sáwr zím

Mizo Academy of Letters (MAL) Joint Head­quar­ters, Lunglei chuan thu leh hla lama sûlhnu nei ṭhate hnena 'Pu Buanga Award' an hlan ṭhin chu kumin 2022 hi an hlan kum a ni a, Pu Buanga Award Sub-Commi­ttee-te'n dawng thei tur buaipui mekin, mi 10-ah an sáwr zím tawh. Award hi kumin Septem­ber thlaah hlan an tum.

Pu Buanga Award dawng thei tura chhawp mi 10-te chu - C Chhuan­vawra, C Laizawna, C Lalnunchanga, Darchuai­lova Renthlei, Dr Lalzuia Colney, J Malsawma, Lal­rammawia Ngente, Prof. RL Thanmawia, R Lalrawna leh Rev. H Killuaia te an ni.

Award hi kum 2000-ah hlan ṭan niin, a tír lamah chuan kum nga danah sem ṭhin a ni a, kum 2015 hnu aṭangin kum thum danah sem a ni. Pu Buanga Award dawng tawhte chu - Lalsangzuali Sailo, B Lalthangliana, Prof. Laltluangliana Khiangte, Lalthangfala Sailo leh RK Lalhluna te an ni.