MPSC Chairman thar la lut

Governor Hari Babu Kambhampati chuan nimin khan Raj Bhavan-ah Mizoram Public Service Commission (MPSC) chairman atan JC Ramthanga, IAS (Rtd.) chu rinawmna thu tiamtirin a la lut.

JC Ramthanga hian MPSC chairman kal chhuak Lalramthanga Tochhawng, IAAS (Rtd.) a thlak a, thla khatah Rs 2,25,000 leh hamṭhatna dangte a la dawn a ni. MPSC-ah hian member dang pahnih - Vanlaltlana, MES (Rtd.) leh Vanlalngaihsaka, IAS (Rtd.)-te an awm mek bawk.