Rajya Sabha MP-in Bairabi a tlawh

Rajya Sabha MP K Vanlalvena chuan June 14, Thawhlehni khan Bairabi Zophaia Mizo IR camp leh Bairabi rél chawlhhmuna FCI kudam a tlawh a, MZP sub-headquarters, Bairabi buatsaih zirlai ti ṭhate chawimawina a hmanpui bawk.

K Vanlalvena hian ramri bul hnaia Mizoram police duty-te chu an mamawh leh ṭul dangte a sawipui a; Bairabi rel chawlhhmuna FCI kudamah rélin buhfai a phurh thlente hlàn thlâk chhung a rei lutuk ṭhin avanga rél vawi khat buhfai unload chhunga waiting charge Rs 5,00,000 vel hman ral a ngai ziah ṭhin chu pumpelh theih dan turte a endik a ni.