YMA Day pualin BP endik

Blessino Nursing School, Aizawla zirlaite leh zirtirtute chuan nimin khan YMA Day pualin an hmunah thing phun rûnpui an hmang a, Environment, Forest & Climate Change minister TJ Lalnuntluanga'n a hmanpui. Maubawkah a thlàwna thisen (blood pressure) enna an buatsaih bawk.

Minister of state TJ Lalnuntluanga chuan, Mizorama thing, mau leh luite humhalh a ṭul tak zet tih sawiin, "Kum 60 chuang zet department lamin nasa taka hma a lo lak tawhna chu NGO te, kohhran te, zirna-in hrang hrangte leh mimalte pawhin a hlutna hriain tunah chuan nasa takin thing phun lamah hmalak a ni ta a, a lawmawm hle a ni," a ti.

Blessino Nursing School hian YMA Day pualin zing karah Maubawka hmun pahnihah a duh apiang tan a thlawna BP leh blood sugar endikna an buatsaih bawk a; mi 178-te BP leh mi 76-te blood sugar dinhmun an endik a ni.