Delimitation Committee din a ni ; Election dept.-in an hriatpui lo

Mizoram sorkar chuan MLA constituency hrang hrangte huam chin leh an hming put tur zir chiangtu tur Delimitation Committee a din. Hemi chungchang hi Election department chuan an hriatpui lo a, Election Commission of India (ECI) aṭang pawhin thu dawn an nei lo.

Thu dawn danin, Mizo­ram sorkar chuan deputy chief minister Tawnluia kaihhruaina hnuai­ah Delimitation Committee a din a, poli­tical party hrang hrang aiawhte pawh an tel.

Committee chu ṭum khat an ṭhu khawm tawh a, ṭhut khawm leh hun June 17, 2022-ah an duh dan leh ngaihdante thlen tura tih a ni.

Hetih lai hian, tun hnai khan constituency thlak danglam rawtna leh MLA constituency siam rem rawtna hrang hrang awmte social media-ah a darh a, tute tih nge a nih hriat a ni lo.

Vanglaini zawhna chhangin Election depart­ment hotute chuan, Deli­mitation Committee din chung-changah hian hriat an neih loh thu an sawi a, "ECI aṭang pawhin thu dawn kan nei lo. Tun hnaiah ECI-in meeting an ko a, hemi chungchang hi sawi chhuah a ni lo," an ti.