Bioeconomy zirhona buatsaih

Institute of Bio­resources and Sus­tainable Develop­ment (IBSD) chuan, nimin khan Directorate of Science & Technology conference room-ah 'Brainstorming On Bioresources with Special References to Medicinal Plants and Traditional Foods of Mizoram; programme a buatsaih.

Zirhona hun hmanpuitu Planning secretary Lalmalsawma Pachuau chuan Mizorama bioeconomy ṭhanna atana kan bioresouce neihte zirho leh thawkho turin kalkhawmte a ngen.

IBSD director Prof. Pulok Mukherjee chuan Mizoram chhunga ramhmul damdawite leh thei, sa leh thlai um dan hrang hrangte IBSD-in research an neihnate leh heng thil neih hrang hrang aṭanga IBSD-in phytopharmaceutical zinkawng an zawh mek hmanga a ram neitute'n heng ram hmul leh ei leh in sawngbawl dan hmanga hlawkna leh hamṭhatna an neihte a tarlang.

He hunah hian MZU, IBSD, State Medicinal Plant Board,RIPANS leh MISTIC aṭangin researchers hrang hrangte an tel.