President-in video conferencing hmangin zirna in sangte a kâwm

President Pranab Mukherjee chuan, nimin khan National Know­ledge Network hmangin ram chhung zirna in sang hrang hrangte video conferen­cing hmangin a kâwm a; Mizoram Uni­versity-a zirtirtu leh zirlaite pawhin vice chancellor Prof. R Lalthan­tluanga hoin an chhim.

The English and Foreign Languages Uni­ver­sity (EFLU), Hyde­rabad chuan video con­ferencing hi an kaihruai a; Pranab Mukher­jee chuan, khawtlang leh ram chhung hmasawnna leh inlungrualna atan chuan mimal zirna chawisan leh rilru thianghlim neih a pawimawh tih sawiin, "Ram chhung leh páwna sorkar hotu lian leh zirna kawnga hruaitute chu rálmuanna kawnga hmahruaitu pawimawh berte an ni," a ti.