SRS-te ruihhlo man hâl a ni

Central YMA hnuaia ruihhlo do pawl, Supply Reduction Service (SRS) batch sarihnate'n ruihhlo an mante chu nimin zing khan Central YMA pisa kawtah Home secretary Lalnunmawia Chuaungo-in a hâl.

Ruihhlo hâl pual hian inkhawm tâwi buatsaih a ni a, CYMA vice president R Lalngheta'n kaihruai­in, khuallian Home secretary Lalnunmawia Chuaungo leh CYMA president Vanlalruata ten thu an sawi. SRS batch sarihnaa convener Fabian Lalfakawma, CYMA finance secretary-in SRS hmalak dan a sawifiah bawk.

Nimina ruihhlo hâl ral tâkte chu - heroin hawng 120, can 1258 leh chhinsen 253, alprozelam & tramadol mûm 15,455, ganja pocket 16 leh khuh damdawi ûm 1,318 a ni a; a vaiin Rs. 80,08,000 hû a ni.