Vawiinah No Vehicle Zone hmang dawn
Mizoram sorkar chuan kumin Krismas leh kum thar vuakvetah Aizawl bazara kal mipuite an him zawk nan vawiin leh December 24-ah No Vehicle Zone a siam dawn.
Ruahmanna hmasaah chuan No Vehicle Zone hi December 21, 24 leh 31-ah hman tur a ni a, December 19-a Coordination Committee on Traffic Management ṭhukhawm chuan December 21 leh 24-ah chiah hman turin thutlukna an siam leh a ni.
No Vehicle Zone ní hian Chanmari (Lower Chanmari, Bazarpui panna kawng huam telin) leh Zodin Square inkarah chawhma dar 10 aṭanga tlai dar 4 chhungin lirthei (vehicle) reng reng tlân phal a ni dawn lo a, thirsakawr leh nawrlirh pawh a huam ang. Emergency duty bakah, natna vanga damdawi-in pan turte erawh chu ngaihhnathiam an ni dawn.
No Vehicle Zone ruahmanna
l Aizawl Civil Hospital (ACH) aṭanga chhuak chhim lam pan turte chu Dawrpui biak-in lamah kual loin, Bazar Bungkawnah direct-in tlan theih a ni ang.
l Dawrpui taxi stand chu Baza Tlang hnuai, AR mandir opposite-ah leh AR quarter guard hnuaiah sawn a ni dawn.
l Chanmari (Lower Chanmari, Bazarpui panna kawng huam telin) leh Zodin Square inkarah lirthei reng reng No Vehicle Zone hun chhungin hûn/dah phal a ni lo.
l Chhim lam aṭanga hmar lam panturte chuan Temple to Vaivakawn kawng zawhin Hunthar Veng junction an pan ang a, LMV leh a aia tête chuan Hunthar Veng junction to Bawngkawn via Company Peng kawng bakah hian Chanmari West lamah chhoin Chanmari aṭangin hmâr lam an pan thei ang.
l Sikulpuikawn to Ramhlun Road via Republic Veng - College Veng - Bethlehem Veng - Chhinga Veng - Electric Veng lamah kal theih a ni a; Treasury Square to Electric Veng via Republic Veng - College Veng- Bethlehem Veng - Chhinga Veng lamah a kal theih bawk.
l Hmar lam aṭanga chhim lam pante'n Bara Bazar Road-ah Hrangbana College an pêl thei dawn lo a, Chanmari Presbyterian biak-in leh Vaivakawn Road via Kawipui, Chanmari West leh Bawngkawn to ITI Road via Ramhlun, Electric Veng etc.-ah kal theih a ni ang.
l Hmar lam tan Hrangbana College aṭangin Mizo H/S Field thleng dropping zone atan hman tur a ni a, Mizo H/S Field chu parking atan hman tur a ni. Zarkawt lamah tlan thlak phal a ni lo. Chhim lam tan Zodin aṭangin Canteen kualah, AR Mandir hêlin chhim lamah kual let tur a ni.
l Hrangbana College leh Mizo H/S Field inkar kawng, Temple-Vaivakawn road, Vaivakawn - Hunthar, Chanmari West Junction, Hunthar, Chanmari West Junction to Company peng, Hunthar, Chanmari West Junction to Chanmari Traffic Point, Bawngkawn to Sikulpuikawn via Ramhlun North - Ramhlun South -Aizawl Venglai - Modern High School - Saron Veng - Tuithiang -Bethlehem - College Veng - Republic Veng - UpperRepublic/Treasury Square leh Armed Veng to Bethlehem peng, Chhinga Veng Road-te chu no parking zone atan puan a ni.