SWD Minister-in Rs. 58,00,000 a hlân

Social Welfare minister Dr K Beichhua chuan, ruihhlo do leh a kaihhnawih ṭul danga hman turin nimin khan a pisaah Central YMA, Police leh Excise & Narcotic department hnenah ṭanpuina sum Rs. 58,00,000 a hlân.

Minister-in ṭanpuina sum a hlan dan chu - Central YMA tan Rs. 24,70,000, Mizoram Police leh Excise & Narcotics deptt tan Rs. 16,65,000 ve ve a ni.

Sum inhlan zawhah Excise & Narcotics minister ni bawk Dr K Beichhua kaihhruainaa din Liquor Prohibition Coordination Committee an ṭhukhawm nghal. Meeting chuan, Krismas leh kum thar vuak­vetah mi tinte zalen leh boruak muanawm tak hnuaia hun an hman theih nan Aizawl khawpui chhung leh dáiahte duty post pakua siam ni se, an ti.

Durty post pakuaah chuan Excise & Narcotics leh Police bakah, duty post awmna veng YMA branch mite duty se, an ti a; ruty post bakah, mobile team pali siam a, khawpui chhung kawngpui dungahte duty turin an ti. Inter state border pawhtu kawngpuiah checkpost siam chungchangah, tuna police station leh outpost awmsate chu duty post atan rin nghal ni se, an ti a, duty tur pawh Excise & Narcotics leh Police bakah, duty post awmnaa YMA branch mi leh sate ni se, an ti bawk.

Meeting chuan, district khawpui tinah SP leh Excise Assistant Commissioner leh YMA-te ṭangkawpin Coordination Committee siam ni se, an ti bawk a ni.

Meeting-ah hian Home secrerary Lalnunmawia Chuaungo, Police hotute leh Excise & Narcotics leh Social Wefare department hotute, CYMA office bearer-te an tel.