ZPM-in MADC Manifesto an tlangzarh

ZPM party chuan May 5, 2022-a Mara Autonomous District Council (MADC)-a MDC inthlanpui neih tura an manifesto chu nimin khan an party working president K Sapdanga'n Siahaa ZPM pisaah a tlangzarh.

ZPM Working President chuan, "MADC election manifesto-ah hian ZPM innghahna ‘Kalphung thar’ kan hmu nghal a, sorkarna kan chang a nih chuan kan manifesto-te hi kan tihlawhtling ngei ngei dawn a ni," a ti.

An beisei phak bâkin Siaha district-ah ZPM-in hma an sawn tih sawiin K Sapdanga chuan, "Tun hnaiah chhim lama ZPM hmasawnna kan hmuhin MADC inthlanah pawh hian Pathian leh MADC area mipui zarah ZPM-in chakna kan chan ngei kan beisei hle," a ti a; hnehna an chan theih nan theihtawp an chhuah thu a sawi.

Manifesto tlangzarhna inkhawmah hian party danga hruaitu ṭhenkhat ZPM-ah K Sapdanga'n a lawm lut tih ZPM thuchhuah chuan a tarlang.