Mizoram Upa Pawl (MUP), Langkaih Area hruaituten Thinghlun bakah, Assam leh Mizoram ramrite an tlawh

Mizoram Upa Pawl (MUP), Langkaih Area hruaitute chuan tun hnai khan Thinghlun bakah, Assam leh Mizoram ramrite an tlawh a, ramria Mizo IR camp-te chu fûrpui thleng turah a him tâwk loah an ngai. Langkaih MUP chuan, bahrik (barrack) sak mek chu zawh thuai a nih theihna atan second instalment pek chhuah thuai ni se an duh thu sawiin, "Fûrpui a lo thleng dawn mek a, tuna silpauline kaih chawpa an awm hi a him tâwk lo hlein kan hmu. Kan sorkar hian kan ngenna hi min ngaih pawimawhsak se, hma la nghal turin kan ngen a ni," an ti.