Communal feeling chawh chhuah tumah ZPM-in CEO SB Shashank an puh

Zoram Peoples' Movement (ZPM) chuan thuchhuah siamin, chief electoral officer (CEO) SB Shashank chu a hnathawh danah communal feeling chawh chhuah tumah an puh.

ZPM chuan, CEO Shashank chuan buaina chawh chhuah a tum a anga an hriat thu sawiin, "Communal feeling chawk chhuak thei dan tur kawng a dap a ni. A thil tih dan kalphung enin, Mizoram inthlanpui buaipuitu lu ber atan rin ngam harsa kan ti. Ministry of Home Affairs, Mizoram sorkar, Tripura sorkar leh Mizoram Bru Displaced People Forum aiawhten thutlukna an lo siam tawh zawm duh loa relief camp-a awm luite an camp-a vote thlaktir dan kawng Election Commission India-in a dap tlat hi buaina chawk chhuak thei nia a lan avangin kan dodal a ni," an ti.

Boruak rálmuang siam tuma thawktu Mizoram sorkar leh Home Secretary-te CEO-in ECI lama a hek a, kut a thlaktir chu an dem tak zet tih sawiin ZPM chuan, "Inthlanna ralmuang a awm theihna tura Joint NGO-te hmalakna hi ZPM chuan ṭha a tiin a thlawp tla a ni," an ti a, Jt. NGO-te chu ralmuang taka inthlanna awm tura an nawrna kawngah lungrual tak, huaisen taka hma laa, tharum thawh lo tura fimkhur thiam tura an duh thu an tarlang.