KHAWTHLIR

ECI lokal dawn
Vawiin hian Election Commission of India (ECI)-a dy. election commissioner Chandra Bhusan chu Aizawlah a lo kal dawn a, chief electoral officer (CEO) hmalak dan leh Mizo mipuite'n CEO hmalak dan an duh loh chhante a rawn zirchiang dawn nia thudawn a ni.

Tuichawnga MNF candidate
MNF party chuan kumin MLA inthlana Tuichawng biala an candidate atan Rasik Mohan Chakma an ruat. RM Chakma hian nimin khan MNF president Zoramthanga hnen aṭangin Tuichawng biala MNF candidate a nihna lehkha a la ni. MNF hian an candidate turte an puan ṭumin Tuichawng biala candidate tur hi an puang nghal lo a ni.

Week khar
State Bank of India (SBI), Lawngtlai branch chuan nimin khan an pisaah Vigilance Awarness Week khârna hun an buatsaih a, week puala zirlaite tana essay inziahsiak an buatsaiha ti ṭhate lawmman an sem.Essay inziahsiakah hian pakhatna K Gospeli Lili, Downtown English School-in Rs. 2,000 a dawng.

Thuneitute ngen
Mizoram Finance & Account Service Association chuan thuchhuah siamin, Election Commission of India thupek anga Finance secretary Lalnunmawia Chuaungo sawn chhuah a ni chu pawi a tih thu tarlangin, "CEO-in central armed police force company 40 lai a lo chah leh anmahni enkawlna senso atana cheng vbc. 11 lai a ngaih tur thu a sawi hi Mizoram ang inthlanna ralmuang tak neih ṭhinna state atan chuan a tam lutuk tia Pu Lalnunmawia'n a sawi hi tih awm takah kan ngai a, a thil tih hi General Financial Rules sawi ang chiah a ni," an ti a, Lalnunmawia'n a hna ngai a chhunzawm leh theihna atana hma la turin thuneitute an ngen.