KR Construction hnenah nuai 8,815.37 ; Zoramchhana hnenah nuai 7,476.02 ; Hna chi hrang hrang pek a ni tawh
PWD changtu chief minister Zoramthanga chuan, kum 2018-19 aṭanga tun thlengin KR Construction hnenah contract hna pakua, cheng nuai 8,815.37 man pek a nih tawh thu leh, Zoramchhana, Electric Veng, Aizawl hnenah hna panga, nuai 7,476.02 man pek a nih tawh thu Assembly House a hrilh.
Chief minister Zoramthanga hian February 23, 2022 khan Assembly session-ah ZPM member Lalduhoma zawhna ziaka chhangin, kum 2018-2019 aṭanga tun thlengin KR Construction, Ṭhuampui hnenah hna pakua pek a nih tawh thu a tarlang a; hna pahnih chu tender hmanga pek a nih laiin, hna pasarih chu restricted tender hmanga pek a ni thung. KR Construction hi Kamrul Laskar (Kamlova Chhangte) ta nia thu dawn a ni.
Chief Minister tarlan danin, tender hmanga KR Construction hnena PWD aṭanga hna pek tawhte chu - Chakhei-Siasi, km. 20-a thui FC and pavement siam leh Chakhei-Siasi, km. 20-a thui permanent work-te a ni a; June 24, 2019-ah work order pek a ni.
Chakhei-Siasi kawng siamna, FC & pavement atan bika sum ruahman chu Rs 35,05,54,147 (nuai 3,505.54) niin, permanent work bik atana sum ruahman chu Rs 12,16,87,740 (nuai 1,216.87) a ni a; a vaiin Rs 47,22,41,887 (nuai 4,722.41) a ni. Hna hi CIRF scheme hmanga thawh a ni.
KR Construction-in restricted tender hmanga PWD hnuaia hna a hmuh pasariha sum ruahman belh khawm chu Rs 40,92,95,776.04 a ni a, tender hmanga hna pahnih a hmuh nena hna pakua a hmuh tawh zawng zawnga sum ruahman belh khawm chu Rs 88,15,37,663.04 (nuai 8,815.37) a ni bawk.
CM tarlan danin, Zoramchhana, Electric Veng, Aizawl hnena kum 2018-19 aṭanga hna pek tawh zat chu panga a ni a, chu'nga sum ruahman belh khawm chu Rs 74,76,02,268.07 (nuai 7,476.02) a ni.
Zoramchhana, Electric Veng hi Chief Minister lam hnai tak a ni.
RESTRICTED TENDER HMANGA KR CONSTRUCTION HNENA HNA PEKTE
1. Construction of Meidum-Hortoki phase-II (km. 9.100 to km. 26.00) (Sh: Earthwork and permanent work from kn. 17.500 to 21.725) Package-III.
Date of agreement: 03.12.2021
Hna ṭan ni: 18.12.2021
Zawh hun tur: 18.06.2023
Sum ruahman: Rs 14,22,146.64
2. Design and Construction of T Beam Bridge Package-I Chhimkhel river at Chainage 5.50 kmp.
Date of agreement: 03.12.2021
Hna ṭan ni: 18.12.2021
Zawh hun tur: 18.06.2023
Sum ruahman: Rs 9,69,00,701.40
3. Construction of RCC Box Culvert on approach road to Airport from Aviation Complex.
A hun: 08.02.2021
Sum ruahman: Rs 94,46,600
4. Estimate for internal electrification to Lengpui Airport terminal building.
A hun: 20.09.2021
Sum ruahman: Rs 2,59,81,057
5. Estimate for SITC of MRV/VRB centralized air conditioner at Lengpui Airport 1st floor departure hall, Mizoram.
A hun: 20.09.2021
Sum ruahman: Rs 4,14,46,271
6. Improvement/upgradation of operational/ non-operational facilities of Lengpui Airport (Sh: Elevated road with connected component of terminal building).
A hun: 20.09.2021
Sum ruahman: Rs 19,59,00,000
7. Establishment of Sinlung Hills Council Administrative Complex (Sh: Construction of SHC building at Sakawrdai under NEC).
A hun: 01.11.2021
Sum ruahman: Rs 3,81,99,000
ZORAMCHHANA HNENA HNA PEKTE
1. Improvement/upgradation of operational/non-operational facilities of Lengpui Airport (Renovation of terminal building).
A hun: 26.2.2021
Sum ruahman: Rs 14,49,74,927
2. Construction of road from Khamrang to Selesih phase-II, group-I (km. 11.00 to 22.00)
A hun: 4.10.2021
Sum ruahman: Rs 25,37,01,510
3. Improvement and widening of Keitum-Chekawn-N.Vanlaiphai road under NABARD group-A (Formation cutting & pavement work).
A hun: 23.4.2019
Sum ruahman: Rs 13,86,00,765
4. Construction of Meidum to Hortoki phase-II (km. 9.100 - 26.00) (Earthwork and [permanent work for km. 9.100 - 13.25) package-I.
A hun: 9.12.2021
Sum ruahman: Rs 10,87,32,990.02
5. Design and construction T Beam bridge package-II Bulung river at chainage 10.20 kmp and Damdiai river at chainage 23.50 kmp.
A hun: 9.12.2021
Sum ruahman: Rs 10,15,92,076.05