CYMA-in kuhva tawlh rûk hriate police-a hriattir turin YMA a chah

Central YMA chuan nimin khan thuchhuah siamin, YMA sub-head­quarters, group leh branch-te chu an huam chhunga dan loa kuhva rah tawlh rûk phur an hmu emaw, an hria emaw a nih chuan police station/ outpost hnai berah hriattir turin an chah.

CYMA chuan, dan loa kuhva rah tawlh rûk tihtawp a nih theih nan CYMA-in theihtawpin hma a la zui zel tih sawiin, "Thuneitu hrang hrangte sawipuiin, he sumdawnna dik lo tak hi a tàwp ngei theih nan châwl loin hma a la zel dawn a ni," an ti.

Central YMA thu­chhuah chuan, "YMA sub-headquarters, group leh branch zawng zawngte mahni huam chhung ṭheuhah dan loa kuhva rah tawlh rûk a awm chuan hma la turin kan inngen nawn a, kuhva rah tawlh rûk phur kan hria/ hmu a nih chuan police station/outpost hnai berah hriattir turin kan inngen nawn leh a ni," a ti bawk.