Bawlhhlawh, leivung leh tui paih danah thupek tichhuak

Aizawl district-ah bawlhhlawh leh tuichhia paih fimkhur loh vanga chhiatna thleng ṭhin pumpelh a nih theih nan Aizawl bawrhsap Dr Lalhriatzuali Ralte chuan thupek a tichhuak a, village council leh local council-te chu an khua/veng ṭheuha hma la turin a hriattir.

Aizawl Bawrhsap thupek tihchhuaha a lan danin, thupek zâwm lote chu District Disaster Management Authority-ah hriattir tur a ni a, Disaster Management Act, 2005 hmanga hrem theih an ni.

Aizawl Bawrhsap thupek
• Bawlhhlawh, hnawmhnawk, leivungte a paihna tur hmun ruatah chauh paih tur
• Tuihâwk luankawr mumal taka siam a, fai leh ṭha taka vawn tur
• Chhung tinin tuichhia paihna mumal taka siam tur
• Tuidawn mumal taka siam tur a ni
• Ran-in thlì, tuichhia, êk mumal taka kawr (drain)-ah paih ṭhin tur a ni a, mihring hriselna atana pawi leh chhiatna thlen thei thilte senghawi zel tur