Champhai DC dang zui zel

Champhai District NGO Coordination Committee chuan, Champhai DC Maria CT Zuali’n Champhai a chhuahsan lohna turin DC bangla kawtah bûk siamin an dang chhunzawm zel.

Champhai NGO-te hian Maria CT Zuali sawnna thupek sût tura sorkar kar nan dawr khàr, kawngzawh, sorkar pisa khâr leh Republic Day boycott-te an kalpui tawh. An thil phût tihhlawhtlin a la nih loh avangin January 26, Nilaini aṭang khan DC quarters kawtah riahbûk sualin, Maria CT Zuali an dang a ni. Maria CT Zuali’n Champhai DC hna a chelh theih hun chu January 26, 2022 khan a tàwp a ni.

Bawrhsapin an district mipui tan a tam thei ang ber hna a thawh an duh vangin Champhai District NGO chuan DC bangla-a office hna a thawh an phalsak a, file lut turte an dang lo thung.