Governor-in IAAP conference hawng

Mizoram University-a Department of Clinical Psychology chuan, nimin khan Indian Academy of Applied Psychology (IAAP) National Conference vawi 57-na leh International Conference vawi 26-na an buatsaih a, Governor Dr Hari Babu Kambhampati-a'n a hawng.

Governor chuan, MZU-in khawvel pum huapa rilru lam zir mi zinga mithiam rual fuan khawmna leh inrâwn khawmna an buatsaih thei chu lawmawm a tih thu a sawi a, "Hripui léng avangin khawvel pumah mihring nun a chêp em em a, hetiang karah hian rilru lama harsatna nei tam tak an awm phah. Inkhawmpui hian rah ṭha a chhuah ngei ka beisei," a ti.

Inkhawmpuiah hian IAAP president Prof. MV Raju, secretary Prof. V Suvendran leh MZU Psychology department HoD Prof. HK Laldinpuii Fente ten thu an sawi bawk a; vawiinah chhunzawma zawh a ni ang.