Rualbanlote vote thlak dan tur sawiho

MLA General Election 2018 hma­chhawn tura inbuatsaihna kal zelah nimin khan Aizawl DC conference hall-ah district election officer (DEO) Dr A Muthamma, Aizawl bawrhsap hoin rualbanlote'n vote an thlak dan tur official-te'n an sawiho.

DEO chuan, vote thlak ní-ah vote thlak thei chinte'n vote thlak ngei a pawimawh tih sawiin, "Rualbanlote'n vote an thlak ve theih ngei chu ngaih pawimawh a ni a, chumi atana inbuatsaih dan tur ngaihtuahho leh hmalak dan tur hrang hrang sawiho a ngai. Rualbanloh dan chi hrang hrang a awm a, a ṭhen chu rilru lam fel lo, vote thlak ngaihna awm lote a ni. Vote thlak thei anga ngaih chin chuan vote an thlak ve ngei theihna tura ṭan lak a ṭul a ni," a ti.

Meeting-ah hian, Aizawl district-a rualbanlo awm zat leh kum tling tawh si, EPIC la nei lo chhui zui leh chumi atana hmalak dan tur rel a ni a, remchang hmasa bera enfel tura dah a ni.