Mahni mawng hlîmah Congress puh

BJP, Mizoram Pradesh chuan thu­chhuah siamin, Congress party-in tuialh­thei leh gas man chungchanga sorkar laipui, BJP kaihhruai hmalakna an duh lohzia an lantir chu anmahni mawng hlìmna mai niin an tarlang.

Mizoram BJP chuan, UPA-a Congress kaihhruai sorkar a din lai, September 17, 2013-ah India rama petrol man chu lirtre khat Rs. 82.87 a tling niin an tarlang a, "Khang hun lai khan tuna Vanapa Hall kawta ṭhukhawmte hi khawiah nge an awm le? Petrol man to tih vanga state dangte ruala lungawi lohna an lantir hi mahni mita khanchhuk hmu loa mi mita hmawlhte hmu ang chauh an ni," an ti.