Lungsen N' YMA Hall lungphùm phúm

Minister Zodin­tluanga chuan nimin khan a bial chhunga Lungsen khuaah Lungsen North Branch YMA Hall sak tur lungphùm a phúm a; thu sawiin, Mizo ṭhalai theihna (talent) nei ṭha tak takte chu bul ṭan ṭha a, tuina bik âtchilh neia intuaithar turin a chah.

Zodintluanga chuan, Lungsen North Branch YMA chuan hall ṭha tak an nei dawn tih sawiin, "Ṭhalaite tan infiamna thlenga hmang ṭangkai turin ka duhsak che u. Sorkarin nasa takin ṭha­laite khawvela an lan theih nan hma kan la a, chumia tel phak ve tur chuan Lungsen YMA-te pawh theihtawp chhuaha hma la turin ka ngen che u a ni," a ti.

Mizote'n tumruhna leh âtchilh bik an neih a hun tawh tih sawiin Zo­dintluanga chuan, "Pên khata kan pên a, a lehpek kan thlen a hun tawh. Bul ṭan ṭha leh tur hian hun kan la nei a, kan tilru puthmang kan thlak a, talent kan neihte hi tih tak takna, tumruhna leh tuina nena âtchilha kan intuaithar leh a ngai a ni," a ti a; Mizo ṭhalaite chu intuaithar zel turin a chah.