Governor-in Scientics 2018 a hawng

St. Paul's Higher Secondary School, Aizawla ni hnih awh tur, science and mathematics fair - Scientics 2018 chu nimin khan Governor Kummanam Rajasekharan-a'n a hawng.

Larsap chuan chuan, ni tin nunah science leh technology-in hmun pawimawh a chang chho zel tih sawiin, "Science leh mathematics kan hmanna pawh a sang zel. He exhibition hian zirtirtu leh zirlaite inkarah thawhhona ṭha tak siamin, an theihna leh tawnhriatte inhrilhhriatna hun remchang tak a ni," a ti.

Zirna chu hmanraw ṭangkai taka hman a duh thu sawiin Governor chuan, "Science leh technology chuan khawtlang tana hmasawnna awmze nei tak, thlentu ni se ka duh. Kan ram hi vawiina zirlai naupang - a ngaihna hria, mi dangte nena thawkho thei, mi tumruh leh harsatna kara ding chhuak theite kutah a innghat," a ti a; zirlaite chu khawtlang leh ram tana theihtawp chhuah zel turin a fuih.

St. Pauls HSS principal Rev.Dr TJ Jose chuan, technology hmasawnna leh hlawhtlinnaah a innghat chho zel a, khawvelin harsatna hrang hrang a hmachhawn mek tih sawiin, "Sik leh sá inthlak, eizawnna siam, ram ei bar harsatna, energy mamawhna pung zel te, artificial intelligence leh robotics-te hian science leh mathematics lama hriatzauna thui tak a mamawh a ni," a ti.

Scientics 2018-ah hian zirlaite chuan science & technology thiam­na hmanga an thil siam chhuah hrang hrangte an pho chhuak a ni.