MZP-in kawngzawh an ṭhulh

MZP chuan, naktuk Nilainia Mizoram khaw­pui hrang hranga ramri humhalhna kawngzawh huaihawt an tum chu an ṭhulh tih an puang.

Nimina MZP hruai­tute ṭhukhawm chuan kawngzawh an tum chung­chang an ngaihtuah a; ramri chungchangah hi Sep­tember 7, 2018 khan MZP hruaitute leh chief minister Lal Thanhawla ten an sawiho tih sawiin, Chief Minister-in chak taka hma la nghal a, ramri chungchang ngaihtuahtu tur Core Committee thar hlak a siam avang leh a rang lama sorkar laipui hotute biak a tum avangin, Core Committee hmalakna ngaichangin kawngzawh an tum chu an ṭhulh rih tih an tarlang.

MZP tarlan danin, Mi­zoram leh Assam ramri ngaihtuahtu tur Core Committee tharah hian Home secretary Lalnun­mawia Chuaungo chu chairman a ni ang.

MZP chuan, Mizo­rama private school ṭhen­khatin monthly fee an la sang lutuk chu ṭha lo an tih thu sawiin, sorkar­in fee chungchanga notifi­cation a chhuah anga fee la turin private school thuneitute an ngen a ni.