Tuichhuahen hnár tifaiin hnatlang

Mizoram khawpui fai inelna kal zelah, nimin khan UDPA department leh YMA Sub-Headquarters Kolasib-te chuan nimin khan Kolasib tui tlan ber, Tuichhuahen hnár tihfai hnatlang an huaihawt.

Hnatlan hmaa in­khawm tawi UDPA pisa tuala buatsaihah Kolasib DC Dr Arun T chuan, Tui­chhuahen chu khawpui tlan tuihna pawimawh tak an nih avangin uluk taka enkawl a ṭul thu a sawi a, "Polythene tuia in­chiah, hlo thahna atana kan hmante hian tur hlauh­awm tak an pâi a, mumal taka sawngbawl a nih loh chuan a tur hlauhawmte chu keimahni bawkin kan tlan leh ṭhin a ni," a ti.

Kolasib-a UDPA officer PC Zonuntluangi chuan, bawlhhlawh thenfai mai ni lo, mahni nunphunga hriselna leh faina ngaih pawimawh a hun thu a sawi.

Hnatlangah hian Kolasib khawpuia YMA branch tin aṭangin mi ṭhahnem tak an thawk chhuak a ni.