Kardashians show en a him lo!

American television serial lar Keeping Up with the Kardashians hian en a hlawh viau a, chutih rual chuan mipui nawlpui tan en a him vak lo thung. London School of Economics (LSE) chuan zirchianna an neih aṭangin, he show en ṭhin te hian an sual phah sawt zel niin an tarlang mauh mai!

LSE report chuan Keeping Up With the Kardashians en ṭhin te chuan lar chakna te, hausak chakna te leh nawmsip bawl chakna te a an neih phah tih a tarlang. Tlereuh leh sum leh pai lawmna an nei nasa a, mi te aia langsar nih duh chakna a thlen bawk.

Zirchianna neitu zinga mi, Dr. Rodolfo Leyva, Department of Media and Communications department chuan he show hian mi rilru suk thlek nasa takin a tidang lam thei a, rualawhna kawngah nasa takin a hruailut thei a ni, a ti.

Zirchianna hi pui­tlingah neih a ni a, he show en ṭhin te hi an en hma aiin an sual zawk niin an la tarlang cheu bawk.

Keeping Up With the Kardashians-ah hian Kardashians vua leh vang te an inlan ṭhin a, America mai ni lo khawvel huapa show en hlawh tak a ni. He show-a inlan ṭhin ṭhen­khat - Kim, Khole leh Kourtney Kardashian bakah, Kylie, Kris, Kendall Jenner te hi an larin thil an tithei hle a, an nungchang erawh entawn tlak lutuk lem loh te an nih hlawm avangin en loh a him ber niin an sawi.