Kawng siamṭhat phut

Tlawng Thlang Village Council Association bultuma Tlawng Thlang all NGO leh all party-te Inrinnia Sertlangpuia ṭhukhawm chuan Sertlangpui to Ṭhuampui kawng chu hnathawktu Satguru Company-te'n eng lai pawha maxi cab service thei turin siamṭhain, vil rawh se, an ti. Meeting-ah hian Satguru Company hotute pawh an tel.

Joint Meeting chuan kawng chhe zual lai lunga hnawhkhah te, kumin chhung ngeia company-te'n an intiam ang ngeia GSB phah zawhte leh company-te'n an intiam anga hna an thawh loh chuan a ṭul anga hmalakte an rel bawk.

Sertlangpui to Ṭhuampui kawng November, 2018 chhunga thawh zawh hman tura tih a ni a, company-te'n hna an thawh chak loh avangin helai tlangdung mipuite'n harsatna an tawk a, hei vang hian joint meeting hi koh a ni.