Lawngléng chesualah thi

Ngiautlang khuaa Baptist Kohhran missionary K Lalthanpuia, Hnahthial-te chhungkaw chuanna lawngléng chu August 11, 2018 khan Niautlang leh Sedailui inkarah a chesual a, K Lalthanpuia fanu Esther K Lalhruaizeli (2) leh Chakma nu Hajali (30)-te an thi.

Thu dawn danin, lawng­ah hian K Lal­thanpuia leh an fanu Esther-i bakah, a nupui Ruthi Lalrinsiami leh Ngiautlang BCM Kohhran member ṭhenkhatte an chuang a; tui a khauh vanga chesual nia hriat a ni. Esther K Lalhruaizeli ruang hi Inrinni khan Thanzamasora khaw bulah hmuh a ni a; Hajali ruang chu nimin zing khan hmuh a ni thung.