Duhoma rin tâwk thu tarlang

Zoram Peoples' Move­ment (ZPM), Aizawl North-II Consti­tuency Steering Committee-te August 11, Inrinnia ṭhu­khawm chuan resolu­tion pass in, ZPM chief ministerial candidate Lalduhoma chu innghah­na tlaka an ngaih thu leh an rin tâwk thu an tarlang.

ZPM Aizawl North-II Constituency Steering Committee chuan, "Kan rama kalphung thar hmanga sorkar a lo pian chhuah theih ngeina tura Zoram pumah ZPM boruak a lian zel hi lawmawm kan ti a, Pathian leh mipui te zarah hlawhtlinna kan chan ngei pawh kan inbeisei. 

Aizawl North-II bialah pawh Pathian leh bial mipuite zarah hnehna kan chan ngei kan in beisei a, Headquarters aṭangin kan biala ding turin tu pawh rawn dah se, lungrual taka theihtawp lo chhuahpui turin thuthlukna kan siam a ni," an ti.