ACB-in thubuai 5 ziak lut

Anti Corruption Bureau (ACB) chuan kumin chhungin thubuai panga an ziak lut tawh a, heng thubuaiahte hian mi 14 thubuai an siamsak.

ACB hian complaint an dawnte chhui zuiin, an thil hmuhchhuahte chu Vigilance depart­ment-ah an thehlut a, Vigilance-in crimi­nal case tur nge, depart­mental inquiry tur nge, thubuai tihtawp tura thutlukna an siam ṭhin. Kumin chhung bikah thubuai pangate chu Vigilance department-in criminal case-a ziah luh an remti angin ACB-te'n thubuai an ziak lut a ni.

2018-a ACB thubuai ziah luhte
. Sorkar sum Rs. 19,00,00,000 hman dik loh thubuaiah February 5-ah mi pakhat lakah thubuai ziah luh a ni.
. Sorkar sum Rs. 1,09,076 leh Rs. 69,938 hman dik loh thubuaiah mi pahnih lakah thubuai February 9-ah an ziak lut.
. RKVY sum cheng nuai 1179.6 hman dik loh chung­changah Mara Autonomous District Council official paruk lakah April 3, 2018-ah thubuai ziah luh a ni.
. Excise & Narcotics department sum Rs. 1,73,48,365 hman dik loh thubuaiah May 22, 2018-ah mi pathum lakah thubuai an ziak lut.
. AH & Vety department sum Rs. 10,39,489 hman dik loh thubuaiah July 31, 2018-ah mi pahnih lakah thubuai ziah luh a ni.