Project ṭha ber thlang

My Project, My NEDP - Mipui Mamawh Inṭawm Ruahmanna (MiMIR) hmanga intihsiakna kal mekah district hrang hrang­in an district-a pakhat­nate an puang chho zel. District tina pakhatna ṭheuhte'n an khua/veng tihhmasawnna turin cheng nuai 100 ṭheuh an dawng dawn a ni.

Lunglei district-ah chuan July 30-31 khan DC Conference Hall-ah project concept paper thlitfim tawh 19-te an enfiah nawn a; Cherhlun khaw project siam, Im­plementation of 50 KW Solar Power Plant tih chu pakhatna atan thlan a ni.

Serchhip district chuan an district-a MiMIR pro­ject ṭha ber thlannaah hian a ti ṭha zual 20 thlan chhuah tawhte chu enfiah dawn leh a nih hnuah, Thenzawl West Village MiMIR Committee pro­ject, 'Loom upgradation & Product Diversification' tih chu thlan a ni. Serchhip district-ah hian V/C 49 an awm a, chu'ng zinga V/C 44 chuan project an thehlut a ni.