Draft electoral roll-ah voter 7,59,716 an awm
Mizoram district hrang hranga July 31, Thawhlehnia electoral roll ennawnna, Special Summary Revision of Photo Electoral Rolls, 2018 atana draft electoral roll tlangzarh taka a lan danin, Mizoram pumah voter 7,59,716 an awm.
Special Summary Revision of Photo Electoral Rolls, 2018 neih tura draft roll-a a lan danin, Mizorama voter 7,59,716-te hi mipa 3,68,462 leh hmeichhia 3,88,254 an ni a, mipaiin hmeichhia 19,792-in an tam zawk. Mamit district-ah chiah voter hmeichhia aiin mipa an tam a, district dang zawngah chuan mipa aiin hmeichhia an tam zawk vek a ni.
Electoral roll thar tura hming paih, thun thar, insawn leh siam ṭhat ngaite tan July 31 aṭang khan hun hawn nghal niin, August 21 thleng hun hawn a ni dawn a; mahni awmna booth level officer (BLO)-te hnenah dilna thehluh theih a ni a, www.nvsp.in aṭangin online-in a thehluh theih bawk.
Dilna lutte chu kumin August 21 leh September 20 chhungin ERO/AERO-te'n an endik dawn a, endiknaah hian khua/veng tina BLO, village council/local council leh NGO hruaitute ṭawiawmna beisei a ni. Final electoral roll chu September 27, 2018-ah tlangzarh tum a ni.