CWC member Lal Thanhawla lawmpui

Mizoram Pradesh Congress Committee (MPCC) leh Mizoram Pradesh Youth Congress Committee (MPYCC)-te chuan thuchhuah siamin, MPCC president aṭanga châwl ta Lal Thanhawla, India rama Congress party thuneitu sang ber Congress Working Committee (CWC) member atana ruat a ni chu an lawmpui thu an tarlang a, duhsakna an hlan.

MPCC chuan, CWC member atana Lal Thanhawla ruat a ni chu Mizoram leh Congress party tan méllung pawimawh tak a nih thu an sawi a, “Politics-a tawnhriat tam tak nei, India ram pum huap pawha mi bikte telna hmuna a tel hi kan chhuangin kan lawmpui tak zet a, duhsakna sang ber kan hlan a ni,” an ti.

MPYCC chuan, “Mizoram, ram buai ṭah leh ha ṭhiala kan awm mek laia CM a nihna kiana remna leh muanna thlentu Pu Lal Thanhawla hming hi a dai ngai tawh lo ang,” an ti a; India rama CM ni rei zinga pangana ni phak Lal Thanhawla kaihhruaina avangin Mizo mipui tam takin rahbi nghet an rah phah a, ramin hma a sawn niin an tarlang.