Pasal thattu thiam loh chantir

Dr Lalṭanpuia (43) s/o John Lianzauva, Kulikawn thattua puh a nupui Mary Zothansangi chu Aizawl District Court-a judge Dr HTC Lalrinchhana chuan nimin khan thiam loh a chantir. Vawiin hian sentence hearing neiin, hrem dan tur ngaihtuah a ni dawn a, December 9, Ninganiah hremna puan a ni ang.

Dr Lalṭanpuia hi December 9, 2020 zan dar 7 vel khan an inah thichhâwnga hmuh a ni a, Aizawl Hospital & Research Centre panpui nghal ni mah se, a hliam tuar loin zan dar 10:05-ah a thi. A nupui Mary Zothansangi chu tualthattuah puh a ni a, IPC Section 302 leh MLP Act Section 6(2) tlawhchhanin thubuai siamsak a ni.