Khawzawl dist.-ah bank branch 7 a awm

Khawzawl District Consultative Committee/District Level Review Committee chu nimin khan Khawzawl DC conference hall-ah an chairman Zothanmawia, Khawzawl bawrhsap hoin an ṭhukhawm. He hunah hian Khawzawl district-ah kumin June thla tàwp thlengin bank branch pasarih a awm tih tarlan a ni.

Ṭhutkhawma tarlan danin, June 30 thleng khan Khawzawl district-a bank hrang hrangah sum dah luh (deposit) cheng nuai 12070.70 awmin, loan pek chhuah cheng nuai 6158.15 a a ni a; credit-deposit (CD) ratio chu 51.02% a ni.

Bank hrang hrangte chuan Agriculture loan cheng nuai 1712.22 an pe chhuak a, MSME loan cheng nuai 1249.55, education & housing loan nuai 732.76, PMEGP loan nuai 45.10 leh, PMAY/Housing for All hnuaiah cheng nuai 293.00 pek chhuah a ni bawk.

Khawzawl district-ah hian kumin June thla tàwp thlengin bank branch pasarih a awm a; automated teller machine (ATM) booth pathum, business correspondent pakua leh Indian Post payment bank awmna khua 18 a awm a ni.