ZPM Ṭhalaite'n an chhuang

ZPM Ṭhalai chuan nimin khan thuchhuah siamin, health care worker-te an chhuan thu leh an tan báng loa ṭawngṭai zel a ṭul thu an tarlang.

Tun ni sarih chhungin Mizoramah hripui kái mi 283 hmuh chhuah an nih thu sawiin ZPM Ṭhalai chuan, "He thu buatsaih lai hian mi 552 zet enkawl mek an ni a, Mizorama enkawl tawh zat chu mi 3,242 an tling tawh. Kan hmanrua leh hmunhma neih ngaihtuahin kan state-a hripui kái enkawl tawh zat hi an ṭhahnem em em a ni," an ti.

ZPM ṭhalaite chuan, Covid-19 donaa thawktu, a bikin Health department-a thawk leh volunteer zawng zawng inpekna te, hun harsat laia mahni inphata mipui himna tura pên chhuakte chu an chhuan thu an sawi bawk.