Draft roll-ah voter 8,16,137 an awm

Special Summary Revision of Electoral Roll 2022 buatsaihna atana hman tur Tuirial Assembly constituency draft electoral roll chu nimin khan Kolasib district election officer (DEO) Dr H Lalthlangliana, bawrhsap chuan Kolasib DC conference hall-ah a tlangzarh. Tuirial bialah hian vote nei 17,910 an awm a, mipa 8,818 leh hmeichhia 9,092 an ni.

Tarlan tawh angin, November 1, 2021 khan chief election officer P Jawahar chuan Mizoram Draft Electoral Roll 2022 a tichhuak a, Tuirial bial erawh chu by-election neih a nih avangin tihchhuah zingah a tel lo a, nimin khan DEO-in a tichhuak ve leh ta a ni.

Electoral roll ennawnna kalpui mek hian January 1, 2022-a kum 18 tling turte ziah luh theih a ni a, inziah luh thar leh siamṭhat dilna thehluh hun November 30, 2021 thleng hawn a ni. Final Electoral Roll chu January 15, 2022-ah tlangzarh a ni ang.