Covid-19 vangin mi 450 thi tawh

November 7, Pathianni tlai dar 5 aṭanga nimin tlai dar 5 thleng khan Covid-19 vangin mi pahnih an thi. Nimin tlai dar 5 thlengin Mizoramah Covid-19 vangin mi 450 an thi tawh.

November 7, Pathianni tlai dar 5 khan F Hrangzuala (83), Upper Republic, Aizawl chu State Refferal Hospital-ah a thi a, natna dang nei a ni. Covid-19 a vei tih November 2 khan hmuh chhuah a ni a, a tuk November 3 aṭangin SRH-ZMC-ah enkawl a ni.

Nimin chawhnu dar 1:55 khan Lalṭanpuia (38), Chhiahtlang, Serchhip district pawh Serchhipa Dedicated Covid Health Centre-ah a thi. Covid-19 positive a ni tih November 7 khan hmuh chhuah niin, Serchhip DCHC-ah dah luh nghal a ni a, natna dang nei tel a nih thu sorkar thuchhuakin a tarlang.