Hripui vei hmuh thar 25 zingah Mizorama kái mi 19 an awm
November 11, Nilainia swab sample endik zinga Covid-19 vei hmuh chhuah mi 25 zingah Mizoram chhunga kái (local positive contact) mi 19 an awm.
Mizoram chhunga hripui kái mi 19-te chu Aizawla veng pakua, Lawngtlaia veng pakhat leh BSF Composite Hospital, Durtlanga mite an ni a; an zingah nausen thla 11 mi leh, naupang kum 7 leh 9 mi pakhat ṭheuh awmin, a bâk zawng puitling an ni.
Sorkar thuchhuah aṭanga a lan danin, tualchhunga kái mi 19 zinga mi panga chu an kai ṭanna hriat chian loh an ni a, Covid-19 natna lang chhuak mi pariat an awm bawk.