Lirthei leh rél tlangtir turin Court-in sorkar a hriattir

Mizoram BAR Asso­ciation (MBA)-in Mizoram châk lâkna kawngte Assam-a dan a nih vanga Gauhati High Court-a PIL an thehluh chu High Court-in a bawhzui nghal a; sorkar laipui, Assam sorkar, Mizoram sorkar leh Railways-te chu kawngpui leh rél kawngah zalen taka lirthei leh rél tlantir turin a hriattir.

MBA aṭanga thu dawn danin, kawng dan avang hian MBA chuan November 9-ah GHC Aizawl Bench-ah PIL an thehlut a, an thehluh ní hian HC chuan a ngaihtuah nghal a; Assam sorkar aiawh ukil ding tur an awm loh avangin GHC Chief Justice hnenah a ngaih­tuah tura thawn a ni. Principal Bench chuan a lo pawm nghal a, ziah luh a ni.

PIL chu GHC Principal Bench chuan nimin khan a ngaihtuah (virtual hearing) a, December 4, 2020-ah a ngaihtuah leh ang. Hearing neih leh hmaa zawm turin Chief Justice chuan sorkar laipui, Assam sorkar, Mizoram sorkar leh Railways-te chu NH-306 leh Silchar-Bairabi rél kawng bakah, Assam aṭanga Mizoram pawhtu kawngpui tinah zalen taka lirthei leh rél tlantir turin a hriattir a ni.