Puantahtute harsatna sawiho

Commerce & Industries minister Dr R Lalthangliana hoin nimin khan sorkar hotute'n Secretariat conference hall-ah tualtah puan (handloom), kut themthiam thil siam (handicraft) leh mau hmanga thil siam chungchanga hma thar lakna tur leh Covid-19 inkhuahkhirh vanga puantaha eizawngte harsatna tawh chung-chang an sawiho a ni.

Dr R Lalthangliana chuan, thla hmasaa Ministry of Textiles leh Ministry of Micro, Small & Medium Enterprises hotute a dàwrnaah, tualtah puan, themthiam thil leh mau hmanga thil siam lamah hmalakna thar awm thei nia a hmuh thu a sawi a, "Ministry-te pawh an inhawng hle. Hmalakna tur concept note leh DPR-te rang taka siam a ṭul," a ti.

Ṭhutkhawmah hian Industrial Development Board vice chairman C Ramhluna, Commerce & Industries secretary Esther Lalruatkimi, direc-tor Florence Zotluangpuii leh department hotu te, MKVI, ZOHANDCO leh Bamboo Development Agancy aiawhte an tel a ni.