NAFIS hman dan zirna buatsaih

Forensic Science Laboratory (FSL) pisaah nimin khan FSL officer-te leh police officer-te tan National Fingerprint Identification System (NAFIS) hman dan inzirtirna buatsaih a ni a, vawiin leh naktukah chhunzawm a ni ang. National Crime Record Bureau (NCRB) fingerprint expert Pawan Kumar Mishra leh Kunal Solanki ten an zirtir a ni.

NAFIS hi NCRB project a ni a, peih a nih hunah India rama district zawng zawnga kutze thla (fingerprint) kaihhnawih thilte chu online hmangin thlunzawm vek a ni dawn. NAFIS-ah hian India ram state hrang hranga pawi khawihtute fingerprint chu a hlawma dah khawmna (national database) siam a ni a, chu chu awlsam takin state hrang hrangte'n an inhman ṭâwm thei dawn a ni.

Mizorama NAFIS tur chu Aizawl FSL-ah dah a ni a, fingerprint data an neih sate pawh NCRB lamah thawn a ni tawh. District-a NAFIS siam nan district tinah system pakhat ṭheuh pek a ni tawh a, phase hnihna kalpui a nih hunah NAFIS chu police station zawng zawngah thlun zawm vek a ni ang.