National Assessment & Accreditation Council team-in J Buana College dinhmun enfiah

India ram pumpui zirna sangte enkawltu University Grant Com-mission (UGC) hnuaia college leh university hrang hrang endiktu leh an dinhmun azira grade pe ṭhintu National Assessment and Accre-ditation Council (NAAC) Peer Team chuan nimin khan a thawh khatna atan J Buana College, Lunglei an enfiah.

NAAC Peer Team hian J Buana College-ah hian ni hnih chhung hun an hmang dawn a; nimin khan Principal report, IAQC coordinator report leh academic department hrang hrang report ngaithlain, college-in hmunhma leh hmanrua a neih hrang hrang an enfiah. College-a thawktu leh zirlaite'n an principal Prof. J Zorema hoin an lo dawngsawng a ni.

NAAC Peer Team hian nimin chawhnu khan zirlai nu leh pa te, college aṭanga zir chhuak tawh (alumni) te, zirlai awm mekte leh non-teaching staff-te an kâwm a; tlaiah college zirlaite'n hnam lam leh zai hmangin cultural programme an hmanpui bawk.

J Buana College hi kum 1983-a din a ni a, arts leh commerce zir theihna a ni. Principal hoin zirtirtu 39 leh non-teaching staff 11 an awm a, zirlai 568 an awm mek a ni.