KHAWTHLIR

CM-in ral
May 12, 2018 zinga Zemabawk Berawlui quarry chim vanga thi mi palite chu chief minister Lal Thanhawla'n nimin khan Zemabawk Local Council kaltlangin a rál. Chief Minister hian chhiat tâwk chhungkuate hnenah Rs. 50,000 ṭheuh a hlan a ni.

Fair thlir lêt
Champhaia May 11, 2018-a neih zawk tâk NLUP Fair-cum-Exibition 2018 thlirletna leh sawihona hun nimin khan Champhai DC conference hall-ah buatsaih a ni. Champhai bawrhsap Vanlalngaihsaka chuan, NLUP hlawhtlinna turin district administration leh line department-te inkarah thawhhona ṭha tak a awm a ṭul thu a sawi.

Sanghalin bei
May 12, Inrinni zing khan Lawngtlai district-a Lunghauka khuaah Sathiranga leh a nupui Lokhirung (60)-te chu loa an fehnaah sanghalin a bei a, Lokhirung chu a hmunah a thi. Thu dawn danin, Sathiranga leh Lokhirung te nupa sanghalin a beih hun hi zing dar 8 vel a ni.

CE-ah kaisang
DPAR chuan nimin khan notification tichhuakin, PWD superintending engineer Bowman-a chu Mizoram Engineering Service supertime grade B-ah a kaisan thu a tarlang. Bowman-a hian PWD Chief Engineer (Planing) hna a chelh ang.